क्या जाने किस की धुन में रहा दिल-फ़िगार चाँद
संगम पे रोज़-ओ-शब के ढला बार बार चाँद
आई न रात भर कोई पनघट पे साँवली
पानी में छुप के बैठा रहा बे-क़रार चाँद
किरनों की डोरियों से उलझते हो किस लिए
कुछ भी न दे सकेगा तुझे दाग़-दार चाँद
बाज़ू के दाएरे वो महक चूड़ियाँ खनक
दो-साए ज़र्द-चाँदनी धीमी पुकार चाँद
सूरज था वो तो शाम से पहले ही ढल गया
नीले उफ़ुक़ पे और भी हैं बे-शुमार चाँद
हर रोज़ मेरे घर में उतरता है किस लिए
मुझ को भी अपने शहर में इक दिन उतार चाँद
बस्ती के लोग जानिए क्या सोचते रहे
बादल की छत पे सोया रहा सोगवार चाँद
अब चाँदनी के नाम से नफ़रत सी हो गई
'इकराम' ज़िंदगी को लगे ऐसे चार चाँद
kyā jaane kis kī dhun meñ rahā dil-figār chāñd
sañgam pe roz-o-shab ke Dhalā baar baar chāñd
aa.ī na raat bhar koī panghaT pe sāñvlī
paanī meñ chhup ke baiThā rahā be-qarār chāñd
kirnoñ kī Doriyoñ se ulajhte ho kis liye
kuchh bhī na de sakegā tujhe dāġh-dār chāñd
baazū ke dā.ere vo mahak chūḌiyāñ khanak
do-sā.e zard-chāñdnī dhīmī pukār chāñd
sūraj thā vo to shaam se pahle hī Dhal gayā
niile ufuq pe aur bhī haiñ be-shumār chāñd
har roz mere ghar meñ utartā hai kis liye
mujh ko bhī apne shahr meñ ik din utaar chāñd
bastī ke log jāniye kyā sochte rahe
bādal kī chhat pe soyā rahā sogvār chāñd
ab chāñdnī ke naam se nafrat sī ho ga.ī
'ikrām' zindagī ko lage aise chaar chāñd
کیا جانے کس کی دھن میں رہا دل فگار چاند
سنگم پہ روز و شب کے ڈھلا بار بار چاند
آئی نہ رات بھر کوئی پنگھٹ پہ سانولی
پانی میں چھپ کے بیٹھا رہا بے قرار چاند
کرنوں کی ڈوریوں سے الجھتے ہو کس لیے
کچھ بھی نہ دے سکے گا تجھے داغدار چاند
بازو کے دائرے وہ مہک چوڑیاں کھنک
دو سائے زرد چاندنی دھیمی پکار چاند
سورج تھا وہ تو شام سے پہلے ہی ڈھل گیا
نیلے افق پہ اور بھی ہیں بے شمار چاند
ہر روز میرے گھر میں اترتا ہے کس لیے
مجھ کو بھی اپنے شہر میں اک دن اتار چاند
بستی کے لوگ جانیے کیا سوچتے رہے
بادل کی چھت پہ سویا رہا سوگوار چاند
اب چاندنی کے نام سے نفرت سی ہو گئی
اکرامؔ زندگی کو لگے ایسے چار چاند