कुछ लोग जो नख़वत से मुझे घूर रहे हैं
माहौल से शायद ये बहुत दूर रहे हैं
क्या कहिए कि क्या हो गया इस शहर का आलम
जिस शहर में उल्फ़त के भी दस्तूर रहे हैं
मजबूर किसे कहते हैं ये कौन बताए
पूछे कोई उन से कि जो मजबूर रहे हैं
कुछ लोग सर-ए-दार रहे हों तो रहे हों
हम हैं कि बहर-तौर सर-ए-तूर रहे हैं
हँसते हुए चेहरों पे न जा सीनों में उन के
हालात के टकराव से नासूर रहे हैं
ऐ शैख़ ग़नीमत है अगर हम को समझ लो
हम मंसब-ए-तस्दीक़ पे मामूर रहे हैं
इक तुम कि ख़ुदाई के भी दावे रहे तुम को
इक हम कि इस इक़रार से मअज़ूर रहे हैं
सुक्कान-ए-हरम क्या हैं ये मुझ से कोई पूछे
अल्लाह के घर में भी ये मग़रूर रहे हैं
एहसान बड़ा बोझ है इस ख़ौफ़ से 'यावर'
दीवार के साए से भी हम दूर रहे हैं
kuchh log jo naḳhvat se mujhe ghuur rahe haiñ
māhaul se shāyad ye bahut duur rahe haiñ
kyā kahiye ki kyā ho gayā is shahr kā aalam
jis shahr meñ ulfat ke bhī dastūr rahe haiñ
majbūr kise kahte haiñ ye kaun batā.e
pūchhe koī un se ki jo majbūr rahe haiñ
kuchh log sar-e-dār rahe hoñ to rahe hoñ
ham haiñ ki bahar-taur sar-e-tūr rahe haiñ
hañste hue chehroñ pe na jā sīnoñ meñ un ke
hālāt ke Takrāv se nāsūr rahe haiñ
ai shaiḳh ġhanīmat hai agar ham ko samajh lo
ham mansab-e-tasdīq pe māmūr rahe haiñ
ik tum ki ḳhudā.ī ke bhī da.ave rahe tum ko
ik ham ki is iqrār se ma.azūr rahe haiñ
sukkān-e-haram kyā haiñ ye mujh se koī pūchhe
allāh ke ghar meñ bhī ye maġhrūr rahe haiñ
ehsān baḌā bojh hai is ḳhauf se 'yāvar'
dīvār ke saa.e se bhī ham duur rahe haiñ
کچھ لوگ جو نخوت سے مجھے گھور رہے ہیں
ماحول سے شاید یہ بہت دور رہے ہیں
کیا کہیے کہ کیا ہو گیا اس شہر کا عالم
جس شہر میں الفت کے بھی دستور رہے ہیں
مجبور کسے کہتے ہیں یہ کون بتائے
پوچھے کوئی ان سے کہ جو مجبور رہے ہیں
کچھ لوگ سر دار رہے ہوں تو رہے ہوں
ہم ہیں کہ بہر طور سر طور رہے ہیں
ہنستے ہوئے چہروں پہ نہ جا سینوں میں ان کے
حالات کے ٹکراؤ سے ناسور رہے ہیں
اے شیخ غنیمت ہے اگر ہم کو سمجھ لو
ہم منصب تصدیق پہ مامور رہے ہیں
اک تم کہ خدائی کے بھی دعوے رہے تم کو
اک ہم کہ اس اقرار سے معذور رہے ہیں
سکان حرم کیا ہیں یہ مجھ سے کوئی پوچھے
اللہ کے گھر میں بھی یہ مغرور رہے ہیں
احسان بڑا بوجھ ہے اس خوف سے یاورؔ
دیوار کے سائے سے بھی ہم دور رہے ہیں