ख़फ़ीफ़ लब पे तबस्सुम रुका रुका सा लगे
कि कोई गुंचा-ए-नौ-रस खिला खिला सा लगे
जिधर भी देखिए सब कुछ भला भला सा लगे
ये तज्रबा तो अजब ही नया नया सा लगे
वो जब रुके तो ज़माने की चाल बढ़ जाए
वो जब चले तो ज़माना रुका रुका सा लगे
अकड़ के बात करे जब ज़मीं से बात करे
वो आसमान जो हर-सू झुका झुका सा लगे
तिरे भी शहर-ए-तमन्ना में आग लग जाए
मिरा जो आलम-ए-इम्काँ बुझा बुझा सा लगे
जो रात आए वो सहमी हुई सी रात आए
जो आए दिन तो वो दिन भी डरा डरा सा लगे
हैं साथ साथ मगर दिल जुदा जुदा ले कर
वो एक घर जहाँ आँगन बटा बटा सा लगे
जिसे समझते हो भरपूर ज़िंदगी से 'फहीम'
क़रीब जाओ तो कितना लुटा लुटा सा लगे
ḳhafīf lab pe tabassum rukā rukā sā lage
ki koī ġhuncha-e-nau-ras khilā khilā sā lage
jidhar bhī dekhiye sab kuchh bhalā bhalā sā lage
ye tajraba to ajab hī nayā nayā sā lage
vo jab ruke to zamāne kī chaal baḌh jaa.e
vo jab chale to zamāna rukā rukā sā lage
akaḌ ke baat kare jab zamīñ se baat kare
vo āsmān jo har-sū jhukā jhukā sā lage
tire bhī shahr-e-tamannā meñ aag lag jaa.e
mirā jo ālam-e-imkāñ bujhā bujhā sā lage
jo raat aa.e vo sahmī huī sī raat aa.e
jo aa.e din to vo din bhī Darā Darā sā lage
haiñ saath saath magar dil judā judā le kar
vo ek ghar jahāñ āñgan baTā baTā sā lage
jise samajhte ho bharpūr zindagī se 'fahīm'
qarīb jaao to kitnā luTā luTā sā lage
خفیف لب پہ تبسم رکا رکا سا لگے
کہ کوئی غنچۂ نو رس کھلا کھلا سا لگے
جدھر بھی دیکھیے سب کچھ بھلا بھلا سا لگے
یہ تجربہ تو عجب ہی نیا نیا سا لگے
وہ جب رکے تو زمانے کی چال بڑھ جائے
وہ جب چلے تو زمانہ رکا رکا سا لگے
اکڑ کے بات کرے جب زمیں سے بات کرے
وہ آسمان جو ہر سو جھکا جھکا سا لگے
ترے بھی شہر تمنا میں آگ لگ جائے
مرا جو عالم امکاں بجھا بجھا سا لگے
جو رات آئے وہ سہمی ہوئی سی رات آئے
جو آئے دن تو وہ دن بھی ڈرا ڈرا سا لگے
ہیں ساتھ ساتھ مگر دل جدا جدا لے کر
وہ ایک گھر جہاں آنگن بٹا بٹا سا لگے
جسے سمجھتے ہو بھرپور زندگی سے فہیمؔ
قریب جاؤ تو کتنا لٹا لٹا سا لگے