करें हम किस की पूजा और चढ़ाएँ किस को चंदन हम
सनम हम दैर हम बुत-ख़ाना हम बुत हम बरहमन हम
दर-ओ-दीवार ही नज़रों में अपनी आइना-ख़ाना
किया करती हैं घर बैठी ही अपना आप दर्शन हम
मोहब्बत है तो अपने से 'अदावत है तो अपने से
हैं आप ही दोस्त अपने हम हैं आप ही अपने दुश्मन हम
कब उठती हैं उठाए से किसी शैख़-ओ-बरहमन के
दर-ए-दिल-पर ही अपने मार कर बैठे हैं आसन हम
जिसे ग़ैब आप समझे हैं शहादत जिस को जाने हैं
बिना रखी हैं अपनी दिल लगी की ये घर-आँगन हम
हिदायत हम से ही पैदा ज़लालत हम पे ही शैदा
कभी हैं रहनुमा अपने कभी हैं अपने रहज़न हम
न क़ील-ओ-क़ाल से मतलब न शग़्ल-अश्ग़ाल से मतलब
मुराक़िब अपने रहते हैं झुका कर अपनी गर्दन हम
रहा करते हैं पहरों महव-ए-नज़्ज़ारा में हम अपने
सरापा हो रहे हैं अब तो अपने आप दर्पन हम
हुआ ऐ 'फ़ैज़' मा'लूम एक मुद्दत में हमें थी वो
जपा करते थे जिस के नाम की दिन-रात सिमरन हम
kareñ ham kis kī puujā aur chaḌhā.eñ kis ko chandan ham
sanam ham dair ham but-ḳhāna ham but ham barahman ham
dar-o-dīvār hī nazroñ meñ apnī ā.ina-ḳhāna
kiyā kartī haiñ ghar baiThī hī apnā aap darshan ham
mohabbat hai to apne se 'adāvat hai to apne se
haiñ aap hī dost apne ham haiñ aap hī apne dushman ham
kab uThtī haiñ uThā.e se kisī shaiḳh-o-barahman ke
dar-e-dil-par hī apne maar kar baiThe haiñ aasan ham
jise ġhaib aap samjhe haiñ shahādat jis ko jaane haiñ
binā rakhī haiñ apnī dil lagī kī ye ghar-āñgan ham
hidāyat ham se hī paidā zalālat ham pe hī shaidā
kabhī haiñ rahnumā apne kabhī haiñ apne rahzan ham
na qīl-o-qāl se matlab na shaġhl-ashġhāl se matlab
murāqib apne rahte haiñ jhukā kar apnī gardan ham
rahā karte haiñ pahroñ mahv-e-nazzāra meñ ham apne
sarāpā ho rahe haiñ ab to apne aap darpan ham
huā ai 'faiz' mā'lūm ek muddat meñ hameñ thī vo
japā karte the jis ke naam kī din-rāt simran ham
کریں ہم کس کی پوجا اور چڑھائیں کس کو چندن ہم
صنم ہم دیر ہم بت خانہ ہم بت ہم برہمن ہم
در و دیوار ہی نظروں میں اپنی آئنہ خانہ
کیا کرتی ہیں گھر بیٹھی ہی اپنا آپ درشن ہم
محبت ہے تو اپنے سے عداوت ہے تو اپنے سے
ہیں آپ ہی دوست اپنے ہم ہیں آپ ہی اپنے دشمن ہم
کب اٹھتی ہیں اٹھائے سے کسی شیخ و برہمن کے
در دل پر ہی اپنے مار کر بیٹھے ہیں آسن ہم
جسے غیب آپ سمجھے ہیں شہادت جس کو جانے ہیں
بنا رکھی ہیں اپنی دل لگی کی یہ گھر آنگن ہم
ہدایت ہم سے ہی پیدا ضلالت ہم پہ ہی شیدا
کبھی ہیں رہنما اپنے کبھی ہیں اپنے رہزن ہم
نہ قیل و قال سے مطلب نہ شغل اشغال سے مطلب
مراقب اپنے رہتے ہیں جھکا کر اپنی گردن ہم
رہا کرتے ہیں پہروں محو نظارہ میں ہم اپنے
سراپا ہو رہے ہیں اب تو اپنے آپ درپن ہم
ہوا اے فیضؔ معلوم ایک مدت میں ہمیں تھی وہ
جپا کرتے تھے جس کے نام کی دن رات سمرن ہم