कहीं शर्मिंदा न हो रस्म-ए-वफ़ा मेरे बा'द
मेरे माज़ी को न दो मेरी सज़ा मेरे बा'द
ऐसा लगता है कि सब ख़ून के प्यासे हैं यहाँ
हाए इस शहर का क्या हाल हुआ मेरे बा'द
तिश्ना-लब और भी आएँगे यहाँ मेरी तरह
कौन देगा उन्हें जीने की दुआ मेरे बा'द
मुझ पे ही ख़त्म हुआ क़हर ज़माने-भर का
फिर किसी और का दामन न जला मेरे बा'द
एक ही शब में बने लोग मसीहा कितने
शहर में फिर कोई क़ातिल न रहा मेरे बा'द
अब तो अपनों में भी अगली सी शराफ़त न रही
रिश्ता-ए-मेहर-ओ-वफ़ा टूट गया मेरे बा'द
ग़ालिबन मैं ही यहाँ लाला-ए-सहरा था 'रईस'
फिर न सहरा में कोई फूल खिला मेरे बा'द
kahīñ sharminda na ho rasm-e-vafā mere ba.ad
mere maazī ko na do merī sazā mere ba.ad
aisā lagtā hai ki sab ḳhuun ke pyāse haiñ yahāñ
haa.e is shahr kā kyā haal huā mere ba.ad
tishna-lab aur bhī ā.eñge yahāñ merī tarah
kaun degā unheñ jiine kī duā mere ba.ad
mujh pe hī ḳhatm huā qahr zamāne-bhar kā
phir kisī aur kā dāman na jalā mere ba.ad
ek hī shab meñ bane log masīhā kitne
shahr meñ phir koī qātil na rahā mere ba.ad
ab to apnoñ meñ bhī aglī sī sharāfat na rahī
rishta-e-mehr-o-vafā TuuT gayā mere ba.ad
ġhāliban maiñ hī yahāñ lāla-e-sahrā thā 'ra.īs'
phir na sahrā meñ koī phuul khilā mere ba.ad
کہیں شرمندہ نہ ہو رسم وفا میرے بعد
میرے ماضی کو نہ دو میری سزا میرے بعد
ایسا لگتا ہے کہ سب خون کے پیاسے ہیں یہاں
ہائے اس شہر کا کیا حال ہوا میرے بعد
تشنہ لب اور بھی آئیں گے یہاں میری طرح
کون دے گا انہیں جینے کی دعا میرے بعد
مجھ پہ ہی ختم ہوا قہر زمانے بھر کا
پھر کسی اور کا دامن نہ جلا میرے بعد
ایک ہی شب میں بنے لوگ مسیحا کتنے
شہر میں پھر کوئی قاتل نہ رہا میرے بعد
اب تو اپنوں میں بھی اگلی سی شرافت نہ رہی
رشتۂ مہر و وفا ٹوٹ گیا میرے بعد
غالباً میں ہی یہاں لالۂ صحرا تھا رئیسؔ
پھر نہ صحرا میں کوئی پھول کھلا میرے بعد