जोश पर आया नहीं है रक़्स-ए-मस्ताना अभी
रहने दो गर्दिश में थोड़ी देर पैमाना अभी
जाम ख़ाली हो किसी का कोई ख़ुम के ख़ुम चढ़ाए
यार समझे ही नहीं आदाब-ए-मय-ख़ाना अभी
इक ज़रा पीर-ए-मुग़ाँ दे दे हमें भी इख़्तियार
ला के जोबन पर दिखा सकते हैं मय-ख़ाना अभी
इश्क़ की फ़ितरत न बदली है न बदलेगी कभी
शम्अ रौशन कीजिए आता है परवाना अभी
दे दिया दिल हम ने पूरा हो गया यूँ एक बाब
मान जाएँ आप तो पूरा है अफ़्साना अभी
सुन रहे हैं आ रही है हर तरफ़ ताज़ा बहार
अपना घर क्यूँ लग रहा है मुझ को वीराना अभी
ऐ 'फ़रीदी' वो सताते हैं सता लेने भी दो
कम-सिनी है और हैं अंदाज़-ए-तिफ़्लाना अभी
josh par aayā nahīñ hai raqs-e-mastāna abhī
rahne do gardish meñ thoḌī der paimāna abhī
jaam ḳhālī ho kisī kā koī ḳhum ke ḳhum chaḌhā.e
yaar samjhe hī nahīñ ādāb-e-mai-ḳhāna abhī
ik zarā pīr-e-muġhāñ de de hameñ bhī iḳhtiyār
lā ke joban par dikhā sakte haiñ mai-ḳhāna abhī
ishq kī fitrat na badlī hai na badlegī kabhī
sham.a raushan kījiye aatā hai parvāna abhī
de diyā dil ham ne puurā ho gayā yuuñ ek baab
maan jaa.eñ aap to puurā hai afsāna abhī
sun rahe haiñ aa rahī hai har taraf taaza bahār
apnā ghar kyuuñ lag rahā hai mujh ko vīrāna abhī
ai 'farīdī' vo satāte haiñ satā lene bhī do
kam-sinī hai aur haiñ andāz-e-tiflāna abhī
جوش پر آیا نہیں ہے رقص مستانہ ابھی
رہنے دو گردش میں تھوڑی دیر پیمانہ ابھی
جام خالی ہو کسی کا کوئی خم کے خم چڑھائے
یار سمجھے ہی نہیں آداب مے خانہ ابھی
اک ذرا پیر مغاں دے دے ہمیں بھی اختیار
لا کے جوبن پر دکھا سکتے ہیں مے خانہ ابھی
عشق کی فطرت نہ بدلی ہے نہ بدلے گی کبھی
شمع روشن کیجئے آتا ہے پروانہ ابھی
دے دیا دل ہم نے پورا ہو گیا یوں ایک باب
مان جائیں آپ تو پورا ہے افسانہ ابھی
سن رہے ہیں آ رہی ہے ہر طرف تازہ بہار
اپنا گھر کیوں لگ رہا ہے مجھ کو ویرانہ ابھی
اے فریدیؔ وہ ستاتے ہیں ستا لینے بھی دو
کمسنی ہے اور ہیں انداز طفلانہ ابھی