जो फ़क़त रहते हों दिन को बे-क़रार
महवशों में कीजिए उन का शुमार
जिस पे सहवन हो गया मेरा नुज़ूल
ज़ात उस की हो गई बस आब-दार
वो मिरी साँसों के रस्ते हो लिया
जो उठा दिल से कभी गर्द-ओ-ग़ुबार
ख़ालिक़-ए-कौनैन से क्या वास्ता
जब मिरा किरदार ठहरा किर्दगार
दिन को हूँ मैं गर्म शब को सर्द हूँ
मेरी हस्ती क्या नहीं है रेग-ज़ार
कश्मकश जारी है जो अफ़्लाक में
देखिए हासिल हो किस को इक़्तिदार
और भी तो हैं यहाँ कितने मुक़ीम
पाँव धरती पर न तू इतने पसार
मौत से कह दो न इस में दख़्ल दे
ज़ीस्त से है रब्त मेरा उस्तुवार
मौत का पहले ही परतव देख लूँ
दिल के दर्पन पर है उस का इंहिसार
एक सूखा खेत है वो जिस जगह
मैं वहाँ हूँ आब-जू का रहगुज़ार
ये जो आलम है कभी इक देस था
इस से कट कर बन गए कितने दयार
ख़ाक हूँ या मोम हूँ क्या इम्तियाज़
शम-ए-महफ़िल हूँ कि हूँ शम-ए-मज़ार
हब्स के ज़िंदान में रक्खा है क्यों
मैं तो ज़िंदानी नहीं हूँ ऐ 'फ़िगार'
jo faqat rahte hoñ din ko be-qarār
mahvashoñ meñ kījiye un kā shumār
jis pe sahvan ho gayā merā nuzūl
zaat us kī ho ga.ī bas āb-dār
vo mirī sāñsoñ ke raste ho liyā
jo uThā dil se kabhī gard-o-ġhubār
ḳhāliq-e-kaunain se kyā vāsta
jab mirā kirdār Thahrā kirdgār
din ko huuñ maiñ garm shab ko sard huuñ
merī hastī kyā nahīñ hai reg-zār
kashmakash jaarī hai jo aflāk meñ
dekhiye hāsil ho kis ko eqtidār
aur bhī to haiñ yahāñ kitne muqīm
paañv dhartī par na tū itne pasār
maut se kah do na is meñ daḳhl de
ziist se hai rabt merā ustuvār
maut kā pahle hī partav dekh luuñ
dil ke darpan par hai us kā inhisār
ek sūkhā khet hai vo jis jagah
maiñ vahāñ huuñ āb-jū kā rahguzār
ye jo aalam hai kabhī ik des thā
is se kaT kar ban ga.e kitne dayār
ḳhaak huuñ yā mom huuñ kyā imtiyāz
sham-e-mahfil huuñ ki huuñ sham-e-mazār
habs ke zindān meñ rakkhā hai kyoñ
maiñ to zindānī nahīñ huuñ ai 'figār'
جو فقط رہتے ہوں دن کو بے قرار
مہوشوں میں کیجئے ان کا شمار
جس پہ سہواً ہو گیا میرا نزول
ذات اس کی ہو گئی بس آب دار
وہ مری سانسوں کے رستے ہو لیا
جو اٹھا دل سے کبھی گرد و غبار
خالق کونین سے کیا واسطہ
جب مرا کردار ٹھہرا کردگار
دن کو ہوں میں گرم شب کو سرد ہوں
میری ہستی کیا نہیں ہے ریگ زار
کشمکش جاری ہے جو افلاک میں
دیکھیے حاصل ہو کس کو اقتدار
اور بھی تو ہیں یہاں کتنے مقیم
پاؤں دھرتی پر نہ تو اتنے پسار
موت سے کہہ دو نہ اس میں دخل دے
زیست سے ہے ربط میرا استوار
موت کا پہلے ہی پرتو دیکھ لوں
دل کے درپن پر ہے اس کا انحصار
ایک سوکھا کھیت ہے وہ جس جگہ
میں وہاں ہوں آب جو کا رہ گزار
یہ جو عالم ہے کبھی اک دیس تھا
اس سے کٹ کر بن گئے کتنے دیار
خاک ہوں یا موم ہوں کیا امتیاز
شمع محفل ہوں کہ ہوں شمع مزار
حبس کے زندان میں رکھا ہے کیوں
میں تو زندانی نہیں ہوں اے فگارؔ