जब मोहब्बत का किसी शय पे असर हो जाए
एक वीरान मकाँ बोलता घर हो जाए
मैं हूँ सूरज-मुखी तू मेरा है दिलबर सूरज
तू जिधर जाए मिरा रुख़ भी उधर हो जाए
रंज-ओ-ग़म ऐश-ओ-ख़ुशी जिस के लिए एक ही हों
उम्र उस शख़्स की शाहों सी बसर हो जाए
जो भी दुख दर्द मुसीबत का पिए विष हँस कर
क्यूँ न सुक़रात की सूरत वो अमर हो जाए
लौट आओ जो कभी राम की सूरत तुम तो
मन का सुनसान अवध दीप नगर हो जाए
खा के पत्थर भी जो मुस्कान बिखेरे हर-सू
बाग़-ए-आलम का वो फलदार शजर हो जाए
हम ने जाना है यही आ के जहाँ में 'दरवेश'
होना चाहे जो न हरगिज़ वो बशर हो जाए
jab mohabbat kā kisī shai pe asar ho jaa.e
ek vīrān makāñ boltā ghar ho jaa.e
maiñ huuñ sūraj-mukhī tū merā hai dilbar sūraj
tū jidhar jaa.e mirā ruḳh bhī udhar ho jaa.e
ranj-o-ġham aish-o-ḳhushī jis ke liye ek hī hoñ
umr us shaḳhs kī shāhoñ sī basar ho jaa.e
jo bhī dukh dard musībat kā piye vish hañs kar
kyuuñ na suqrāt kī sūrat vo amar ho jaa.e
lauT aao jo kabhī raam kī sūrat tum to
man kā sunsān avadh diip nagar ho jaa.e
khā ke patthar bhī jo muskān bikhere har-sū
bāġh-e-ālam kā vo phaldār shajar ho jaa.e
ham ne jaanā hai yahī aa ke jahāñ meñ 'darvesh'
honā chāhe jo na hargiz vo bashar ho jaa.e
جب محبت کا کسی شے پہ اثر ہو جائے
ایک ویران مکاں بولتا گھر ہو جائے
میں ہوں سورج مکھی تو میرا ہے دل بر سورج
تو جدھر جائے مرا رخ بھی ادھر ہو جائے
رنج و غم عیش و خوشی جس کے لیے ایک ہی ہوں
عمر اس شخص کی شاہوں سی بسر ہو جائے
جو بھی دکھ درد مصیبت کا پئے وش ہنس کر
کیوں نہ سقراط کی صورت وہ امر ہو جائے
لوٹ آؤ جو کبھی رام کی صورت تم تو
من کا سنسان اودھ دیپ نگر ہو جائے
کھا کے پتھر بھی جو مسکان بکھیرے ہر سو
باغ عالم کا وہ پھل دار شجر ہو جائے
ہم نے جانا ہے یہی آ کے جہاں میں درویشؔ
ہونا چاہے جو نہ ہرگز وہ بشر ہو جائے