जब अधूरे चाँद की परछाईं पानी पर पड़ी
रौशनी इक ना-मुकम्मल सी कहानी पर पड़ी
धूप ने कच्चे फलों में दर्द का रस भर दिया
इश्क़ की उफ़्ताद ना-पुख़्ता जवानी पर पड़ी
गर्द ख़ामोशी की सब मेरे दहन से धुल गई
इस क़दर बारिश सुख़न की बे-ज़बानी पर पड़ी
उस ने अपने क़स्र से कब झाँक कर देखा हमें
कब नज़र उस की हमारी बे-मकानी पर पड़ी
अस्ल सोने पर था जितना भी मुलम्मा' जल गया
धूप उस शिद्दत की अल्फ़ाज़-ओ-मआ'नी पर पड़ी
तर्क कीजे अब दिलों में नर्म गोशों की तलाश
बे-हिसी की ख़ाक हर्फ़-ए-मेहरबानी पर पड़ी
ज़ख़्म-ए-दिल उस की तवाज़ो' में नमकदाँ बन गया
ये मुसीबत भी हमारी मेज़बानी पर पड़ी
अपने हाथों टूटने का तजरबा तो हो गया
चोट बे-शक सख़्त थी जो ख़ुश-गुमानी पर पड़ी
jab adhūre chāñd kī parchhā.īñ paanī par paḌī
raushnī ik nā-mukammal sī kahānī par paḌī
dhuup ne kachche phaloñ meñ dard kā ras bhar diyā
ishq kī uftād nā-puḳhta javānī par paḌī
gard ḳhāmoshī kī sab mere dahan se dhul ga.ī
is qadar bārish suḳhan kī be-zabānī par paḌī
us ne apne qasr se kab jhāñk kar dekhā hameñ
kab nazar us kī hamārī be-makānī par paḌī
asl sone par thā jitnā bhī mulamma.a jal gayā
dhuup us shiddat kī alfāz-o-ma.ānī par paḌī
tark kiije ab diloñ meñ narm goshoñ kī talāsh
be-hisī kī ḳhaak harf-e-mehrbānī par paḌī
zaḳhm-e-dil us kī tavāzo.a meñ namakdāñ ban gayā
ye musībat bhī hamārī mezbānī par paḌī
apne hāthoñ TūTne kā tajraba to ho gayā
choT be-shak saḳht thī jo ḳhush-gumānī par paḌī
جب ادھورے چاند کی پرچھائیں پانی پر پڑی
روشنی اک نامکمل سی کہانی پر پڑی
دھوپ نے کچے پھلوں میں درد کا رس بھر دیا
عشق کی افتاد نا پختہ جوانی پر پڑی
گرد خاموشی کی سب میرے دہن سے دھل گئی
اس قدر بارش سخن کی بے زبانی پر پڑی
اس نے اپنے قصر سے کب جھانک کر دیکھا ہمیں
کب نظر اس کی ہماری بے مکانی پر پڑی
اصل سونے پر تھا جتنا بھی ملمع جل گیا
دھوپ اس شدت کی الفاظ و معانی پر پڑی
ترک کیجے اب دلوں میں نرم گوشوں کی تلاش
بے حسی کی خاک حرف مہربانی پر پڑی
زخم دل اس کی تواضع میں نمک داں بن گیا
یہ مصیبت بھی ہماری میزبانی پر پڑی
اپنے ہاتھوں ٹوٹنے کا تجربہ تو ہو گیا
چوٹ بے شک سخت تھی جو خوش گمانی پر پڑی