जाने क्या बात है क्यूँ गर्मी-ए-बाज़ार नहीं
अब कोई जिंस-ए-वफ़ा का भी ख़रीदार नहीं
लोग इक शख़्स को ले जाते हैं मक़्तल की तरफ़
इस पे इल्ज़ाम है उतना कि गुनहगार नहीं
ज़िंदगी ज़ख़्म सही ज़ख़्म का दरमाँ कीजे
कोई इस शहर में ज़ख़्मों का ख़रीदार नहीं
पैकर-ए-शे'र में ढल जाए किसी का चेहरा
मेरे इज़हार-ए-मोहब्बत का ये मेआ'र नहीं
तेरी इक नीची नज़र उम्र का सरमाया है
साक़िया मैं तिरे साग़र का तलबगार नहीं
यूँ भी हम दर्द को पहलू में छुपा लेते हैं
मुजरिम-ए-शौक़ हैं रुस्वा सर-ए-बाज़ार नहीं
अपनी मर्ज़ी से यहाँ मुझ को बहा ले जाए
तेज़ इतनी तो अभी वक़्त की रफ़्तार नहीं
आप के दर्द से रिश्ता है मिरे दिल का 'रईस'
कौन कहता है कि मैं आप का ग़म-ख़्वार नहीं
jaane kyā baat hai kyuuñ garmī-e-bāzār nahīñ
ab koī jins-e-vafā kā bhī ḳharīdār nahīñ
log ik shaḳhs ko le jaate haiñ maqtal kī taraf
is pe ilzām hai utnā ki gunahgār nahīñ
zindagī zaḳhm sahī zaḳhm kā darmāñ kiije
koī is shahr meñ zaḳhmoñ kā ḳharīdār nahīñ
paikar-e-sher meñ Dhal jaa.e kisī kā chehra
mere iz.hār-e-mohabbat kā ye me.aar nahīñ
terī ik nīchī nazar umr kā sarmāya hai
sāqiyā maiñ tire sāġhar kā talabgār nahīñ
yuuñ bhī ham dard ko pahlū meñ chhupā lete haiñ
mujrim-e-shauq haiñ rusvā sar-e-bāzār nahīñ
apnī marzī se yahāñ mujh ko bahā le jaa.e
tez itnī to abhī vaqt kī raftār nahīñ
aap ke dard se rishta hai mire dil kā 'ra.īs'
kaun kahtā hai ki maiñ aap kā ġham-ḳhvār nahīñ
جانے کیا بات ہے کیوں گرمئ بازار نہیں
اب کوئی جنس وفا کا بھی خریدار نہیں
لوگ اک شخص کو لے جاتے ہیں مقتل کی طرف
اس پہ الزام ہے اتنا کہ گنہ گار نہیں
زندگی زخم سہی زخم کا درماں کیجے
کوئی اس شہر میں زخموں کا خریدار نہیں
پیکر شعر میں ڈھل جائے کسی کا چہرہ
میرے اظہار محبت کا یہ معیار نہیں
تیری اک نیچی نظر عمر کا سرمایہ ہے
ساقیا میں ترے ساغر کا طلب گار نہیں
یوں بھی ہم درد کو پہلو میں چھپا لیتے ہیں
مجرم شوق ہیں رسوا سر بازار نہیں
اپنی مرضی سے یہاں مجھ کو بہا لے جائے
تیز اتنی تو ابھی وقت کی رفتار نہیں
آپ کے درد سے رشتہ ہے مرے دل کا رئیسؔ
کون کہتا ہے کہ میں آپ کا غم خوار نہیں