इस तरह पहले तो घर से मैं कभी निकला न था
धूप थी चारों तरफ़ मेरे कहीं साया न था
मैं ठिठुर कर रह गया हूँ सर्द मौसम के तले
वर्ना जंगल में शजर मुझ से कोई ऊँचा न था
सच तो ये है दोस्तों को मुस्कुराहट थी पसंद
शिद्दत-ए-रंज-ओ-अलम में इस लिए रोया न था
पेश कोई हादिसा आया कि मंज़िल आ गई
दिल अचानक राह में ऐसे कभी धड़का न था
घूमती है अपने मरकज़ पर सुना तो है 'रज़ा'
हम ने दुनिया को अलग हो कर कभी देखा न था
is tarah pahle to ghar se maiñ kabhī niklā na thā
dhuup thī chāroñ taraf mere kahīñ saaya na thā
maiñ ThiThur kar rah gayā huuñ sard mausam ke tale
varna jangal meñ shajar mujh se koī ūñchā na thā
sach to ye hai dostoñ ko muskurāhaT thī pasand
shiddat-e-ranj-o-alam meñ is liye royā na thā
pesh koī hādisa aayā ki manzil aa ga.ī
dil achānak raah meñ aise kabhī dhaḌkā na thā
ghūmtī hai apne markaz par sunā to hai 'razā'
ham ne duniyā ko alag ho kar kabhī dekhā na thā
اس طرح پہلے تو گھر سے مَیں کبھی نکلا نہ تھا
دھوپ تھی چاروں طرف میرے کہیں سایہ نہ تھا
میں ٹھٹھر کر رہ گیا ہوں سرد موسم کے تلے
ورنہ جنگل میں شجر مجھ سے کوئی اونچا نہ تھا
سچ تو یہ ہے دوستوں کو مسکراہٹ تھی پسند
شدت رنج و الم میں اس لیے رویا نہ تھا
پیش کوئی حادثہ آیا کہ منزل آ گئی
دل اچانک راہ میں ایسے کبھی دھڑکا نہ تھا
گھومتی ہے اپنے مرکز پر سنا تو ہے رضاؔ
ہم نے دنیا کو الگ ہو کر کبھی دیکھا نہ تھا