इर्द-गिर्द सब रंग सरासर और ही कुछ थे
आँख खुली तो सारे मंज़र और ही कुछ थे
तुझ से मिल कर और न कोई ध्यान में आया
तुझ से पहले सोच के महवर और ही कुछ थे
रफ़्ता रफ़्ता हर इक घाव भर जाता है
पहले-पहल हम तुझ से बिछड़ कर और ही कुछ थे
तारीकी सन्नाटा तन्हाई और यादें
रात को ये 'आलम था दिन-भर और ही कुछ थे
सीने में था दर्द मगर होंटों पे तबस्सुम
बाहर हम कुछ और थे अंदर और ही कुछ थे
अब तो सारा घर सूना सूना लगता है
मिलन घड़ी में दीवार-ओ-दर और ही कुछ थे
झूटी निकलीं नक़्श ख़ुशी की सब रेखाएँ
पेश आए हालात जो अक्सर और ही कुछ थे
ird-gird sab rang sarāsar aur hī kuchh the
aañkh khulī to saare manzar aur hī kuchh the
tujh se mil kar aur na koī dhyān meñ aaya
tujh se pahle soch ke mehvar aur hī kuchh the
rafta rafta har ik ghaav bhar jaatā hai
pahle-pahal ham tujh se bichhaḌ kar aur hī kuchh the
tārīkī sannāTā tanhā.ī aur yādeñ
raat ko ye 'ālam thā din-bhar aur hī kuchh the
siine meñ thā dard magar hoñToñ pe tabassum
bāhar ham kuchh aur the andar aur hī kuchh the
ab to saarā ghar suunā suunā lagtā hai
milan ghaḌī meñ dīvār-o-dar aur hī kuchh the
jhūTī niklīñ naqsh ḳhushī kī sab rekhā.eñ
pesh aa.e hālāt jo aksar aur hī kuchh the
ارد گرد سب رنگ سراسر اور ہی کچھ تھے
آنکھ کھلی تو سارے منظر اور ہی کچھ تھے
تجھ سے مل کر اور نہ کوئی دھیان میں آیا
تجھ سے پہلے سوچ کے محور اور ہی کچھ تھے
رفتہ رفتہ ہر اک گھاؤ بھر جاتا ہے
پہلے پہل ہم تجھ سے بچھڑ کر اور ہی کچھ تھے
تاریکی سناٹا تنہائی اور یادیں
رات کو یہ عالم تھا دن بھر اور ہی کچھ تھے
سینے میں تھا درد مگر ہونٹوں پہ تبسم
باہر ہم کچھ اور تھے اندر اور ہی کچھ تھے
اب تو سارا گھر سونا سونا لگتا ہے
ملن گھڑی میں دیوار و در اور ہی کچھ تھے
جھوٹی نکلیں نقش خوشی کی سب ریکھائیں
پیش آئے حالات جو اکثر اور ہی کچھ تھے