इंतिज़ार-ए-दीद में यूँ आँख पथराई कि बस
मरते मरते वो हुई आलम में रुस्वाई कि बस
देख कर शबनम की हालत हँस पड़ी नौ-रस-कली
दो-घड़ी पत्तों पे रह कर इतना इतराई कि बस
दिल की धड़कन बढ़ गई आँखों में आँसू आ गए
इक ज़रा सी बात पर इतनी हँसी आई कि बस
मौत को भी मरने वाले पर तरस आ ही गया
इस तरह चढ़ती जवानी में क़ज़ा आई कि बस
बात कैसी अब तो होंटों पर है आहों का हुजूम
चोट खाने पर भी ऐसी चोट पर खाई कि बस
तौबा करने को तो कर ली हज़रत-ए-'ग़व्वास' ने
यक-ब-यक गर्दूं पे वो काली घटा छाई कि बस
intizār-e-dīd meñ yuuñ aañkh pathrā.ī ki bas
marte marte vo huī aalam meñ rusvā.ī ki bas
dekh kar shabnam kī hālat hañs paḌī nau-ras-kalī
do-ghaḌī pattoñ pe rah kar itnā itrā.ī ki bas
dil kī dhaḌkan baḌh ga.ī āñkhoñ meñ aañsū aa ga.e
ik zarā sī baat par itnī hañsī aa.ī ki bas
maut ko bhī marne vaale par taras aa hī gayā
is tarah chaḌhtī javānī meñ qazā aa.ī ki bas
baat kaisī ab to hoñToñ par hai aahoñ kā hujūm
choT khāne par bhī aisī choT par khaa.ī ki bas
tauba karne ko to kar lī hazrat-e-'ġhavvās' ne
yak-ba-yak gardūñ pe vo kaalī ghaTā chhā.ī ki bas
انتظار دید میں یوں آنکھ پتھرائی کہ بس
مرتے مرتے وہ ہوئی عالم میں رسوائی کہ بس
دیکھ کر شبنم کی حالت ہنس پڑی نو رس کلی
دو گھڑی پتوں پہ رہ کر اتنا اترائی کہ بس
دل کی دھڑکن بڑھ گئی آنکھوں میں آنسو آ گئے
اک ذرا سی بات پر اتنی ہنسی آئی کہ بس
موت کو بھی مرنے والے پر ترس آ ہی گیا
اس طرح چڑھتی جوانی میں قضا آئی کہ بس
بات کیسی اب تو ہونٹوں پر ہے آہوں کا ہجوم
چوٹ کھانے پر بھی ایسی چوٹ پر کھائی کہ بس
توبہ کرنے کو تو کر لی حضرت غواصؔ نے
یک بیک گردوں پہ وہ کالی گھٹا چھائی کہ بس