हज़ारों पर्दे में पर्दा नहीं है
वो जल्वा हो के भी जल्वा नहीं है
वजूद-ए-ग़ैर है अपना नहीं है
वही क़तरा है जो दरिया नहीं है
अनल-हक़ में बुराई क्या है वाइज़
मोहब्बत में ख़ुदा क्या क्या नहीं है
लुटा दे जल्वा ऐ हुस्न-ए-सरापा
निगाहों पर कोई पहरा नहीं है
सफ़ीरान-ए-मोहब्बत जानते हैं
कि मंज़िल है मगर रस्ता नहीं है
अजब ये मसअला है मय-कशों का
कभी साक़ी कभी सहबा नहीं है
गुलों के दम से है पिंदार-ए-हस्ती
अभी निकहत ने ये समझा नहीं है
मिरी आँखों की दुनिया को तो देखो
जहाँ तुम ने अभी देखा नहीं है
उसे जिस नाम से चाहो पुकारो
मोहब्बत का कोई फ़िरक़ा नहीं है
मिरी हर साँस है मंसूब उस से
मिरी क़िस्मत में जो लिक्खा नहीं है
ग़म-ए-माज़ी पे मातम करने वालो
ग़म-ए-माज़ी ग़म-ए-फ़र्दा नहीं है
hazāroñ parde meñ parda nahīñ hai
vo jalva ho ke bhī jalva nahīñ hai
vajūd-e-ġhair hai apnā nahīñ hai
vahī qatra hai jo dariyā nahīñ hai
anal-haq meñ burā.ī kyā hai vaa.iz
mohabbat meñ ḳhudā kyā kyā nahīñ hai
luTā de jalva ai husn-e-sarāpā
nigāhoñ par koī pahra nahīñ hai
safīrān-e-mohabbat jānte haiñ
ki manzil hai magar rasta nahīñ hai
ajab ye mas.ala hai mai-kashoñ kā
kabhī saaqī kabhī sahbā nahīñ hai
guloñ ke dam se hai pindār-e-hastī
abhī nik.hat ne ye samjhā nahīñ hai
mirī āñkhoñ kī duniyā ko to dekho
jahāñ tum ne abhī dekhā nahīñ hai
use jis naam se chāho pukāro
mohabbat kā koī firqa nahīñ hai
mirī har saañs hai mansūb us se
mirī qismat meñ jo likkhā nahīñ hai
ġham-e-māzī pe mātam karne vaalo
ġham-e-māzī ġham-e-fardā nahīñ hai
ہزاروں پردے میں پردہ نہیں ہے
وہ جلوہ ہو کے بھی جلوہ نہیں ہے
وجود غیر ہے اپنا نہیں ہے
وہی قطرہ ہے جو دریا نہیں ہے
انا الحق میں برائی کیا ہے واعظ
محبت میں خدا کیا کیا نہیں ہے
لٹا دے جلوہ اے حسن سراپا
نگاہوں پر کوئی پہرہ نہیں ہے
سفیران محبت جانتے ہیں
کہ منزل ہے مگر رستہ نہیں ہے
عجب یہ مسئلہ ہے میکشوں کا
کبھی ساقی کبھی صہبا نہیں ہے
گلوں کے دم سے ہے پندار ہستی
ابھی نکہت نے یہ سمجھا نہیں ہے
مری آنکھوں کی دنیا کو تو دیکھو
جہاں تم نے ابھی دیکھا نہیں ہے
اسے جس نام سے چاہو پکارو
محبت کا کوئی فرقہ نہیں ہے
مری ہر سانس ہے منسوب اس سے
مری قسمت میں جو لکھا نہیں ہے
غم ماضی پہ ماتم کرنے والو
غم ماضی غم فردا نہیں ہے