हर ज़ुल्म तिरा याद है भूला तो नहीं हूँ
ऐ वादा-फ़रामोश मैं तुझ सा तो नहीं हूँ
ऐ वक़्त मिटाना मुझे आसान नहीं है
इंसाँ हूँ कोई नक़्श-ए-कफ़-ए-पा तो नहीं हूँ
चुप-चाप सही मस्लहतन वक़्त के हाथों
मजबूर सही वक़्त से हारा तो नहीं हूँ
ये दिन तो मुझे उन के तग़ाफ़ुल ने दिखाए
मैं गर्दिश-ए-दौराँ तिरा मारा तो नहीं हूँ
उन के लिए लड़ जाऊँगा तक़दीर मैं तुझ से
हालाँकि कभी तुझ से मैं उलझा तो नहीं हूँ
साहिल पे खड़े हो तुम्हें क्या ग़म चले जाना
मैं डूब रहा हूँ अभी डूबा तो नहीं हूँ
क्यों शोर बपा है ज़रा देखो तो निकल कर
मैं उस की गली से अभी गुज़रा तो नहीं हूँ
'मुज़्तर' मुझे क्यों देखता रहता है ज़माना
दीवाना सही उन का तमाशा तो नहीं हूँ
har zulm tirā yaad hai bhūlā to nahīñ huuñ
ai va.ada-farāmosh maiñ tujh sā to nahīñ huuñ
ai vaqt miTānā mujhe āsān nahīñ hai
insāñ huuñ koī naqsh-e-kaf-e-pā to nahīñ huuñ
chup-chāp sahī maslahatan vaqt ke hāthoñ
majbūr sahī vaqt se haarā to nahīñ huuñ
ye din to mujhe un ke taġhāful ne dikhā.e
maiñ gardish-e-daurāñ tirā maarā to nahīñ huuñ
un ke liye laḌ jā.ūñgā taqdīr maiñ tujh se
hālāñki kabhī tujh se maiñ uljhā to nahīñ huuñ
sāhil pe khaḌe ho tumheñ kyā ġham chale jaanā
maiñ Duub rahā huuñ abhī Duubā to nahīñ huuñ
kyoñ shor bapā hai zarā dekho to nikal kar
maiñ us kī galī se abhī guzrā to nahīñ huuñ
'muztar' mujhe kyoñ dekhtā rahtā hai zamāna
dīvāna sahī un kā tamāshā to nahīñ huuñ
ہر ظلم ترا یاد ہے بھولا تو نہیں ہوں
اے وعدہ فراموش میں تجھ سا تو نہیں ہوں
اے وقت مٹانا مجھے آسان نہیں ہے
انساں ہوں کوئی نقش کف پا تو نہیں ہوں
چپ چاپ سہی مصلحتاً وقت کے ہاتھوں
مجبور سہی وقت سے ہارا تو نہیں ہوں
یہ دن تو مجھے ان کے تغافل نے دکھائے
میں گردش دوراں ترا مارا تو نہیں ہوں
ان کے لیے لڑ جاؤں گا تقدیر میں تجھ سے
حالانکہ کبھی تجھ سے میں الجھا تو نہیں ہوں
ساحل پہ کھڑے ہو تمہیں کیا غم چلے جانا
میں ڈوب رہا ہوں ابھی ڈوبا تو نہیں ہوں
کیوں شور بپا ہے ذرا دیکھو تو نکل کر
میں اس کی گلی سے ابھی گزرا تو نہیں ہوں
مضطرؔ مجھے کیوں دیکھتا رہتا ہے زمانہ
دیوانہ سہی ان کا تماشا تو نہیں ہوں