हर साँस को महकाइए अब देर न कीजे
इक फूल सा खिल जाइए अब देर न कीजे
इक जाम मोहब्बत से मसर्रत से भरा जाम
छलकाइए छलकाइए अब देर न कीजे
सच कहता हूँ इक उम्र से प्यासी है ये महफ़िल
पैमाना-ब-कफ़ आइए अब देर न कीजे
सावन की घटा बन के सुलगती हुई रुत में
दुनिया पे बरस जाइए अब देर न कीजे
ज़ंजीर में जकड़े हुए दीवानों को अपने
सूली से उतरवाइए अब देर न कीजे
सन्नाटा हर इक रूह को अब डसने लगा है
इक गीत कोई गाइए अब देर न कीजे
इस अहद-ए-शरर-बार पे फिर अम्न की शबनम
बरसाइए बरसाइए अब देर न कीजे
तलवारों ने चमकाया है मक़्तल की ज़मीं को
तलवारों को दफ़नाइए अब देर न कीजे
इक और हसीं ख़्वाब कि मिट जाए शब-ए-ग़म
'दौराँ' को भी दिखलाइए अब देर न कीजे
har saañs ko mahkā.iye ab der na kiije
ik phuul sā khil jā.iye ab der na kiije
ik jaam mohabbat se masarrat se bharā jaam
chhalkā.iye chhalkā.iye ab der na kiije
sach kahtā huuñ ik umr se pyāsī hai ye mahfil
paimāna-ba-kaf aa.iye ab der na kiije
sāvan kī ghaTā ban ke sulagtī huī rut meñ
duniyā pe baras jā.iye ab der na kiije
zanjīr meñ jakḌe hue dīvānoñ ko apne
suulī se utarvā.iye ab der na kiije
sannāTā har ik ruuh ko ab Dasne lagā hai
ik giit koī gā.iye ab der na kiije
is ahd-e-sharar-bār pe phir amn kī shabnam
barsā.iye barsā.iye ab der na kiije
talvāroñ ne chamkāyā hai maqtal kī zamīñ ko
talvāroñ ko dafnā.iye ab der na kiije
ik aur hasīñ ḳhvāb ki miT jaa.e shab-e-ġham
'daurāñ' ko bhī dikhlā.iye ab der na kiije
ہر سانس کو مہکائیے اب دیر نہ کیجے
اک پھول سا کھل جائیے اب دیر نہ کیجے
اک جام محبت سے مسرت سے بھرا جام
چھلکائیے چھلکائیے اب دیر نہ کیجے
سچ کہتا ہوں اک عمر سے پیاسی ہے یہ محفل
پیمانہ بکف آئیے اب دیر نہ کیجے
ساون کی گھٹا بن کے سلگتی ہوئی رت میں
دنیا پہ برس جائیے اب دیر نہ کیجے
زنجیر میں جکڑے ہوئے دیوانوں کو اپنے
سولی سے اتروائیے اب دیر نہ کیجے
سناٹا ہر اک روح کو اب ڈسنے لگا ہے
اک گیت کوئی گائیے اب دیر نہ کیجے
اس عہد شرر بار پہ پھر امن کی شبنم
برسائیے برسائیے اب دیر نہ کیجے
تلواروں نے چمکایا ہے مقتل کی زمیں کو
تلواروں کو دفنائیے اب دیر نہ کیجے
اک اور حسیں خواب کہ مٹ جائے شب غم
دوراںؔ کو بھی دکھلائیے اب دیر نہ کیجے