हर इक का दर्द उसी आशुफ़्ता-सर में तन्हा था
वो एक शख़्स जो सारे नगर में तन्हा था
वो आदमी भी जिसे जान-ए-अंजुमन कहिए
चला जब उठ के तो सारे सफ़र में तन्हा था
जो तीर आया गले मिल के दिल से लौट गया
वो अपने फ़न में मैं अपने हुनर में तन्हा था
उस इक दिए से हुए किस क़दर दिए रौशन
वो इक दिया जो कभी बाम-ओ-दर में तन्हा था
सुना है लुट गया कल रात रास्ते में कहीं
जो एक रह-गुज़री रहगुज़र में तन्हा था
उठा ये शोर वहीं से सदाओं का क्यूँ-कर
वो आदमी तो सुना अपने घर में तन्हा था
हर इक में कोई कमी थी हर इक में था कोई ऐब
धुला हुआ वही बस आब-ए-ज़र में तन्हा था
न पा सका कभी ता-उम्र लुत्फ़-ए-तन्हाई
उमर जो सारे जहाँ की नज़र में तन्हा था
har ik kā dard usī āshufta-sar meñ tanhā thā
vo ek shaḳhs jo saare nagar meñ tanhā thā
vo aadmī bhī jise jān-e-anjuman kahiye
chalā jab uTh ke to saare safar meñ tanhā thā
jo tiir aayā gale mil ke dil se lauT gayā
vo apne fan meñ maiñ apne hunar meñ tanhā thā
us ik diye se hue kis qadar diye raushan
vo ik diyā jo kabhī bām-o-dar meñ tanhā thā
sunā hai luT gayā kal raat rāste meñ kahīñ
jo ek rah-guzrī rahguzar meñ tanhā thā
uThā ye shor vahīñ se sadāoñ kā kyūñ-kar
vo aadmī to sunā apne ghar meñ tanhā thā
har ik meñ koī kamī thī har ik meñ thā koī aib
dhulā huā vahī bas āb-e-zar meñ tanhā thā
na pā sakā kabhī tā-umr lutf-e-tanhā.ī
umar jo saare jahāñ kī nazar meñ tanhā thā
ہر اک کا درد اسی آشفتہ سر میں تنہا تھا
وہ ایک شخص جو سارے نگر میں تنہا تھا
وہ آدمی بھی جسے جان انجمن کہیے
چلا جب اٹھ کے تو سارے سفر میں تنہا تھا
جو تیر آیا گلے مل کے دل سے لوٹ گیا
وہ اپنے فن میں میں اپنے ہنر میں تنہا تھا
اس اک دئیے سے ہوئے کس قدر دئیے روشن
وہ اک دیا جو کبھی بام و در میں تنہا تھا
سنا ہے لٹ گیا کل رات راستے میں کہیں
جو ایک رہ گزری رہ گزر میں تنہا تھا
اٹھا یہ شور وہیں سے صداؤں کا کیوں کر
وہ آدمی تو سنا اپنے گھر میں تنہا تھا
ہر اک میں کوئی کمی تھی ہر اک میں تھا کوئی عیب
دھلا ہوا وہی بس آب زر میں تنہا تھا
نہ پا سکا کبھی تا عمر لطف تنہائی
عمر جو سارے جہاں کی نظر میں تنہا تھا