हम-कलामी में दर-ओ-दीवार से
कितने जज़्बे रह गए इज़हार से
धूप बढ़ते ही जुदा हो जाएगा
साया-ए-दीवार भी दीवार से
हिज्र का लम्हा मुकम्मल हो गया
रौशनी जब कट गई मीनार से
टूट कर बिखरे ख़ुद अपने सोग में
दिल लगा कर दर्द के रुख़्सार से
नीम-वा गलियाँ चुरा कर लाई हैं
कैसा सपना दीदा-ए-बेदार से
कितने ही मायूस लम्हों के भँवर
हम ने नापे ज़ेहन के परकार से
उम्र भर 'तारिक़' उलझते ही रहे
जिस्म की गिरती हुई दीवार से
ham-kalāmī meñ dar-o-dīvār se
kitne jazbe rah ga.e iz.hār se
dhuup baḌhte hī judā ho jā.egā
sāya-e-dīvār bhī dīvār se
hijr kā lamha mukammal ho gayā
raushnī jab kaT ga.ī mīnār se
TuuT kar bikhre ḳhud apne sog meñ
dil lagā kar dard ke ruḳhsār se
nīm-vā galiyāñ churā kar laa.ī haiñ
kaisā sapnā dīda-e-bedār se
kitne hī māyūs lamhoñ ke bhañvar
ham ne naape zehn ke parkār se
umr bhar 'tāriq' ulajhte hī rahe
jism kī girtī huī dīvār se
ہم کلامی میں در و دیوار سے
کتنے جذبے رہ گئے اظہار سے
دھوپ بڑھتے ہی جدا ہو جائے گا
سایۂ دیوار بھی دیوار سے
ہجر کا لمحہ مکمل ہو گیا
روشنی جب کٹ گئی مینار سے
ٹوٹ کر بکھرے خود اپنے سوگ میں
دل لگا کر درد کے رخسار سے
نیم وا گلیاں چرا کر لائی ہیں
کیسا سپنا دیدۂ بے دار سے
کتنے ہی مایوس لمحوں کے بھنور
ہم نے ناپے ذہن کے پرکار سے
عمر بھر طارقؔ الجھتے ہی رہے
جسم کی گرتی ہوئی دیوار سے