है नोक-ए-ख़ार में कुछ वो तो सब्ज़ा-ज़ार में कुछ
ख़िज़ाँ में कुछ है मगर मौसम-ए-बहार में कुछ
गुहर था माह था जुगनू था या सितारा-ए-शाम
चमक रहा था तिरी चश्म-ए-अश्क-बार में कुछ
कहाँ के वहम-ओ-गुमाँ का है सिलसिला मिरी ज़ीस्त
कि उस के पार ही कुछ है न इस हिसार में कुछ
तमाम-उम्र वही मिस्ल-ए-ख़ार चुभते रहे
गुज़र गए थे जो पल साया-ए-बहार में कुछ
फिर इस के बा'द है ख़ुद पर यक़ीं न दुनिया पर
थी ऐसी बात ही इक पल के ए'तिबार में कुछ
मैं उस की याद से दामन छुड़ा लूँ मुझ को ख़याल
तब आया जब न रहा मेरे इख़्तियार में कुछ
न चाहता वो तो रौशन न होती कोई भी शय
है नूर उस का भी क्या शाम-ए-इंतिज़ार में कुछ
hai nok-e-ḳhār meñ kuchh vo to sabza-zār meñ kuchh
ḳhizāñ meñ kuchh hai magar mausam-e-bahār meñ kuchh
guhar thā maah thā jugnū thā yā sitāra-e-shām
chamak rahā thā tirī chashm-e-ashk-bār meñ kuchh
kahāñ ke vahm-o-gumāñ kā hai silsila mirī ziist
ki us ke paar hī kuchh hai na is hisār meñ kuchh
tamām-umr vahī misl-e-ḳhār chubhte rahe
guzar ga.e the jo pal sāya-e-bahār meñ kuchh
phir is ke ba.ad hai ḳhud par yaqīñ na duniyā par
thī aisī baat hī ik pal ke e'tibār meñ kuchh
maiñ us kī yaad se dāman chhuḌā luuñ mujh ko ḳhayāl
tab aayā jab na rahā mere iḳhtiyār meñ kuchh
na chāhtā vo to raushan na hotī koī bhī shai
hai nuur us kā bhī kyā shām-e-intizār meñ kuchh
ہے نوک خار میں کچھ وہ تو سبزہ زار میں کچھ
خزاں میں کچھ ہے مگر موسم بہار میں کچھ
گہر تھا ماہ تھا جگنو تھا یا ستارۂ شام
چمک رہا تھا تری چشم اشکبار میں کچھ
کہاں کے وہم و گماں کا ہے سلسلہ مری زیست
کہ اس کے پار ہی کچھ ہے نہ اس حصار میں کچھ
تمام عمر وہی مثل خار چبھتے رہے
گزر گئے تھے جو پل سایۂ بہار میں کچھ
پھر اس کے بعد ہے خود پر یقیں نہ دنیا پر
تھی ایسی بات ہی اک پل کے اعتبار میں کچھ
میں اس کی یاد سے دامن چھڑا لوں مجھ کو خیال
تب آیا جب نہ رہا میرے اختیار میں کچھ
نہ چاہتا وہ تو روشن نہ ہوتی کوئی بھی شے
ہے نور اس کا بھی کیا شام انتظار میں کچھ