गुल हैं तो आप अपनी ही ख़ुश्बू में सोचिए
जो कुछ भी सोचना है वो उर्दू में सोचिए
दिल में अगर नहीं है किसी ज़ख़्म की नुमूद
सुर्ख़ी कहाँ से आ गई आँसू में सोचिए
ये मसअला नहीं कि जलेंगे कहाँ चराग़
कैसे हवाएँ आएँगी क़ाबू में सोचिए
यूँ सरसरी गुज़रिए न उस दश्त-ए-कर्ब से
वहशत कि इज़्तिराब है आहू में सोचिए
कुछ तो ख़बर निकालिए कैसे लगा ये रोग
क्यूँ ढल रहा है आदमी वस्तू में सोचिए
की आप ने जो पुर्सिश-ए-अहवाल शुक्रिया
हम कैसे होंगे सल्तनत-ए-हू में सोचिए
ख़ुद पूछती है आप से तन्हाई आप की
महताब क्यूँ है रात के पहलू में सोचिए
वो जिस का क़ुर्ब आप को मिलना मुहाल हो
क्या हो जो बैठ जाए वो बाज़ू में सोचिए
gul haiñ to aap apnī hī ḳhushbū meñ sochiye
jo kuchh bhī sochnā hai vo urdu meñ sochiye
dil meñ agar nahīñ hai kisī zaḳhm kī numūd
surḳhī kahāñ se aa ga.ī aañsū meñ sochiye
ye mas.ala nahīñ ki jaleñge kahāñ charāġh
kaise havā.eñ ā.eñgī qaabū meñ sochiye
yuuñ sarsarī guzariye na us dasht-e-karb se
vahshat ki iztirāb hai aahū meñ sochiye
kuchh to ḳhabar nikāliye kaise lagā ye rog
kyuuñ Dhal rahā hai aadmī vastū meñ sochiye
kī aap ne jo pursish-e-ahvāl shukriyā
ham kaise hoñge saltanat-e-hū meñ sochiye
ḳhud pūchhtī hai aap se tanhā.ī aap kī
mahtāb kyuuñ hai raat ke pahlū meñ sochiye
vo jis kā qurb aap ko milnā muhāl ho
kyā ho jo baiTh jaa.e vo baazū meñ sochiye
گل ہیں تو آپ اپنی ہی خوشبو میں سوچئے
جو کچھ بھی سوچنا ہے وہ اردو میں سوچئے
دل میں اگر نہیں ہے کسی زخم کی نمود
سرخی کہاں سے آ گئی آنسو میں سوچئے
یہ مسئلہ نہیں کہ جلیں گے کہاں چراغ
کیسے ہوائیں آئیں گی قابو میں سوچئے
یوں سرسری گزریے نہ اس دشت کرب سے
وحشت کہ اضطراب ہے آہو میں سوچئے
کچھ تو خبر نکالئے کیسے لگا یہ روگ
کیوں ڈھل رہا ہے آدمی وستو میں سوچئے
کی آپ نے جو پرسش احوال شکریا
ہم کیسے ہوں گے سلطنت ہو میں سوچئے
خود پوچھتی ہے آپ سے تنہائی آپ کی
مہتاب کیوں ہے رات کے پہلو میں سوچئے
وہ جس کا قرب آپ کو ملنا محال ہو
کیا ہو جو بیٹھ جائے وہ بازو میں سوچئے