दु'आएँ माँग रहे हैं कई ख़याल अभी
ख़ुदा के घर से फ़रिश्तों को मत निकाल अभी
दबा ले दर्द अभी आँसुओं को पाल अभी
तिरा ये आख़िरी सिक्का है मत उछाल अभी
हवा से कहना ज़रा और इंतिज़ार करे
करेगी रात चराग़ों की देख-भाल अभी
गए दिनों की अमानत उसी की नोक पे है
हमारे सीने से ख़ंजर ये मत निकाल अभी
ख़ुदा का शुक्र परिंदे सफ़र से लौट आए
शिकारियों के अगरचे बिछे हैं जाल अभी
वफ़ा के खेल में नौ-वारिद-ए-बिसात हूँ मैं
समझ में आती नहीं दुश्मनों की चाल अभी
धियान आप के एहसान का भी है लेकिन
किसी के क़र्ज़ में डूबा हूँ बाल-बाल अभी
भँवर से बच के चली आई एक नाव 'फहीम'
न पूछ कितना समुंदर को है मलाल अभी
du'ā.eñ maañg rahe haiñ ka.ī ḳhayāl abhī
ḳhudā ke ghar se farishtoñ ko mat nikāl abhī
dabā le dard abhī āñsuoñ ko paal abhī
tirā ye āḳhirī sikka hai mat uchhāl abhī
havā se kahnā zarā aur intizār kare
karegī raat charāġhoñ kī dekh-bhāl abhī
ga.e dinoñ kī amānat usī kī nok pe hai
hamāre siine se ḳhanjar ye mat nikāl abhī
ḳhudā kā shukr parinde safar se lauT aa.e
shikāriyoñ ke agarche bichhe haiñ jaal abhī
vafā ke khel meñ nau-vārid-e-bisāt huuñ maiñ
samajh meñ aatī nahīñ dushmanoñ kī chaal abhī
dhiyān aap ke ehsān kā bhī hai lekin
kisī ke qarz meñ Duubā huuñ bāl-bāl abhī
bhañvar se bach ke chalī aa.ī ek naav 'fahīm'
na pūchh kitnā samundar ko hai malāl abhī
دعائیں مانگ رہے ہیں کئی خیال ابھی
خدا کے گھر سے فرشتوں کو مت نکال ابھی
دبا لے درد ابھی آنسوؤں کو پال ابھی
ترا یہ آخری سکہ ہے مت اچھال ابھی
ہوا سے کہنا ذرا اور انتظار کرے
کرے گی رات چراغوں کی دیکھ بھال ابھی
گئے دنوں کی امانت اسی کی نوک پہ ہے
ہمارے سینے سے خنجر یہ مت نکال ابھی
خدا کا شکر پرندے سفر سے لوٹ آئے
شکاریوں کے اگرچہ بچھے ہیں جال ابھی
وفا کے کھیل میں نو وارد بساط ہوں میں
سمجھ میں آتی نہیں دشمنوں کی چال ابھی
دھیان آپ کے احسان کا بھی ہے لیکن
کسی کے قرض میں ڈوبا ہوں بال بال ابھی
بھنور سے بچ کے چلی آئی ایک ناؤ فہیمؔ
نہ پوچھ کتنا سمندر کو ہے ملال ابھی