देखती है निगाह पानी में
तख़्त-ए-आलम-पनाह पानी में
हम से सैलाब का मज़ा पूछो
हम हुए हैं तबाह पानी में
क्या समझते हैं आप गंगा-जल
धुल गए क्या गुनाह पानी में
मैं सुनाता हूँ पत्थरों को ग़ज़ल
और होती है वाह पानी में
कश्ती-ए-दिल को अब पनाह कहाँ
लहर है बे-पनाह पानी में
वो मिरी मम्लिकत में आ ही गए
मैं हुआ बादशाह पानी में
मौज है या अदा हसीनों की
गाह साहिल पे गाह पानी में
आ ही जाएगा राह पर दरिया
तुम निकालो तो राह पानी में
तू भी तिश्ना है और मैं भी हूँ
ख़ूब होगी निबाह पानी में
तेरी आराम-गाह साहिल पर
मेरी आराम-गाह पानी में
तू बता क्यों 'फहीम' डूब गया
तू रहा है गवाह पानी में
dekhtī hai nigāh paanī meñ
taḳht-e-ālam-panāh paanī meñ
ham se sailāb kā maza pūchho
ham hue haiñ tabāh paanī meñ
kyā samajhte haiñ aap gangā-jal
dhul ga.e kyā gunāh paanī meñ
maiñ sunātā huuñ pattharoñ ko ġhazal
aur hotī hai vaah paanī meñ
kashti-e-dil ko ab panāh kahāñ
lahr hai be-panāh paanī meñ
vo mirī mamlikat meñ aa hī ga.e
maiñ huā bādshāh paanī meñ
mauj hai yā adā hasīnoñ kī
gaah sāhil pe gaah paanī meñ
aa hī jā.egā raah par dariyā
tum nikālo to raah paanī meñ
tū bhī tishna hai aur maiñ bhī huuñ
ḳhuub hogī nibāh paanī meñ
terī ārām-gāh sāhil par
merī ārām-gāh paanī meñ
tū batā kyoñ 'fahīm' Duub gayā
tū rahā hai gavāh paanī meñ
دیکھتی ہے نگاہ پانی میں
تخت عالم پناہ پانی میں
ہم سے سیلاب کا مزہ پوچھو
ہم ہوئے ہیں تباہ پانی میں
کیا سمجھتے ہیں آپ گنگا جل
دھل گئے کیا گناہ پانی میں
میں سناتا ہوں پتھروں کو غزل
اور ہوتی ہے واہ پانی میں
کشتئ دل کو اب پناہ کہاں
لہر ہے بے پناہ پانی میں
وہ مری مملکت میں آ ہی گئے
میں ہوا بادشاہ پانی میں
موج ہے یا ادا حسینوں کی
گاہ ساحل پہ گاہ پانی میں
آ ہی جائے گا راہ پر دریا
تم نکالو تو راہ پانی میں
تو بھی تشنہ ہے اور میں بھی ہوں
خوب ہوگی نباہ پانی میں
تیری آرام گاہ ساحل پر
میری آرام گاہ پانی میں
تو بتا کیوں فہیمؔ ڈوب گیا
تو رہا ہے گواہ پانی میں