चाँद उभरा न मिरे जिस्म से साया निकला
शाम-ए-ग़म आई तो मैं घर से अकेला निकला
आज आया है दरीचे पे हवा का झोंका
आज कोई तो मुझे देखने वाला निकला
ये अलग बात कि खुलने लगे पलकों के वरक़
नोक-ए-लब से न कभी हर्फ़-ए-तमन्ना निकला
हो गए और दर-ओ-बाम नज़र से ओझल
दर-हक़ीक़त ये उजाला भी अँधेरा निकला
कोई आवाज़ तो आ जाती कहीं से वापस
ये कुआँ घर का तो इतना भी न गहरा निकला
लौट जा अब मिरी आँखों में नहीं हैं आँसू
तू समुंदर जिसे समझा था वो सहरा निकला
chāñd ubhrā na mire jism se saayā niklā
shām-e-ġham aa.ī to maiñ ghar se akelā niklā
aaj aayā hai darīche pe havā kā jhoñkā
aaj koī to mujhe dekhne vaalā niklā
ye alag baat ki khulne lage palkoñ ke varaq
nok-e-lab se na kabhī harf-e-tamannā niklā
ho ga.e aur dar-o-bām nazar se ojhal
dar-haqīqat ye ujālā bhī añdherā niklā
koī āvāz to aa jaatī kahīñ se vāpas
ye kuaañ ghar kā to itnā bhī na gahrā niklā
lauT jā ab mirī āñkhoñ meñ nahīñ haiñ aañsū
tū samundar jise samjhā thā vo sahrā niklā
چاند ابھرا نہ مرے جسم سے سایا نکلا
شام غم آئی تو میں گھر سے اکیلا نکلا
آج آیا ہے دریچے پہ ہوا کا جھونکا
آج کوئی تو مجھے دیکھنے والا نکلا
یہ الگ بات کہ کھلنے لگے پلکوں کے ورق
نوک لب سے نہ کبھی حرف تمنا نکلا
ہو گئے اور در و بام نظر سے اوجھل
در حقیقت یہ اجالا بھی اندھیرا نکلا
کوئی آواز تو آ جاتی کہیں سے واپس
یہ کنواں گھر کا تو اتنا بھی نہ گہرا نکلا
لوٹ جا اب مری آنکھوں میں نہیں ہیں آنسو
تو سمندر جسے سمجھا تھا وہ صحرا نکلا