अभी है ग़ैर के अल्ताफ़ से जफ़ा-ए-हबीब
वही रज़ा है हमारी जो है रज़ा-ए-हबीब
न समझूँ अपना किसी को रक़ीब रश्क से मैं
वो मेरा दोस्त है जो होवे आश्ना-ए-हबीब
वो ख़्वाह क़त्ल करे ख़्वाह मेरी जाँ बख़्शे
कि मर्ग ओ ज़ीस्त पे मुख़्तार है रज़ा-ए-हबीब
न तेग़-ए-यार से गर्दन फिराऊँ मैं हरगिज़
कि ऐन-लुत्फ़ समझता हूँ मैं जफ़ा-ए-हबीब
पतिंगे शम्अ के सदक़े हों बुलबुलें गुल पर
कोई किसी के फ़िदा हो मैं हूँ फ़िदा-ए-हबीब
बहिश्त की मुझे तर्ग़ीब दे न तू वाइज़
किसी की मुझ को तमन्ना नहीं सिवाए हबीब
हमेशा मुझ से वो कहता था मर कहीं 'हसरत'
हज़ार शुक्र पज़ीराई हुई दुआ-ए-हबीब
abhī hai ġhair ke altāf se jafā-e-habīb
vahī razā hai hamārī jo hai razā-e-habīb
na samjhūñ apnā kisī ko raqīb rashk se maiñ
vo merā dost hai jo hove āshnā-e-habīb
vo ḳhvāh qatl kare ḳhvāh merī jaañ baḳhshe
ki marg o ziist pe muḳhtār hai razā-e-habīb
na teġh-e-yār se gardan phirā.ūñ maiñ hargiz
ki ain-lutf samajhtā huuñ maiñ jafā-e-habīb
patiñge sham.a ke sadqe hoñ bulbuleñ gul par
koī kisī ke fidā ho maiñ huuñ fidā-e-habīb
bahisht kī mujhe tarġhīb de na tū vaa.iz
kisī kī mujh ko tamannā nahīñ sivā.e habīb
hamesha mujh se vo kahtā thā mar kahīñ 'hasrat'
hazār shukr pazīrā.ī huī duā-e-habīb
ابھی ہے غیر کے الطاف سے جفائے حبیب
وہی رضا ہے ہماری جو ہے رضائے حبیب
نہ سمجھوں اپنا کسی کو رقیب رشک سے میں
وہ میرا دوست ہے جو ہووے آشنائے حبیب
وہ خواہ قتل کرے خواہ میری جاں بخشے
کہ مرگ و زیست پہ مختار ہے رضائے حبیب
نہ تیغ یار سے گردن پھراؤں میں ہرگز
کہ عین لطف سمجھتا ہوں میں جفائے حبیب
پتنگے شمع کے صدقے ہوں بلبلیں گل پر
کوئی کسی کے فدا ہو میں ہوں فدائے حبیب
بہشت کی مجھے ترغیب دے نہ تو واعظ
کسی کی مجھ کو تمنا نہیں سوائے حبیب
ہمیشہ مجھ سے وہ کہتا تھا مر کہیں حسرتؔ
ہزار شکر پذیرائی ہوئی دعائے حبیب