आँखों में नुमूदार है तस्वीर तुम्हारी
हर शख़्स को दिखती है ये तासीर तुम्हारी
इल्ज़ाम भी दें किस को कि ये रोज़-ए-अज़ल से
मिलती ही नहीं हम से ये तक़दीर तुम्हारी
बे-रंग सभी ख़्वाब ये करते हैं शिकायत
मूरत हो कभी ज़ेहन में ता'मीर तुम्हारी
औरों का भी होने नहीं देती कभी मुझ को
पाँव से ये लिपटी हुई ज़ंजीर तुम्हारी
रस्ता तिरा तकना भी गवारा नहीं मुझ को
दुश्मन भी नहीं ‘आदत-ए-ताख़ीर तुम्हारी
सब कुछ है तुम्हारा यहाँ कुछ भी नहीं मेरा
ये ख़्वाब तुम्हारा है ये ता'बीर तुम्हारी
चुप-चाप तिरा ख़त मैं लिए दूर यूँ निकला
बारिश जो हुई मिट गई तहरीर तुम्हारी
āñkhoñ meñ numūdār hai tasvīr tumhārī
har shaḳhs ko dikhtī hai ye tāsīr tumhārī
ilzām bhī deñ kis ko ki ye roz-e-azal se
miltī hī nahīñ ham se ye taqdīr tumhārī
be-rang sabhī ḳhvāb ye karte haiñ shikāyat
mūrat ho kabhī zehn meñ tā'mīr tumhārī
auroñ kā bhī hone nahīñ detī kabhī mujh ko
paañv se ye lipTī huī zanjīr tumhārī
rasta tirā taknā bhī gavārā nahīñ mujh ko
dushman bhī nahīñ ‘ādat-e-tāḳhīr tumhārī
sab kuchh hai tumhārā yahāñ kuchh bhī nahīñ merā
ye ḳhvāb tumhārā hai ye tā'bīr tumhārī
chup-chāp tirā ḳhat maiñ liye duur yuuñ niklā
bārish jo huī miT ga.ī tahrīr tumhārī
آنکھوں میں نمودار ہے تصویر تمہاری
ہر شخص کو دکھتی ہے یہ تاثیر تمہاری
الزام بھی دیں کس کو کہ یہ روز ازل سے
ملتی ہی نہیں ہم سے یہ تقدیر تمہاری
بے رنگ سبھی خواب یہ کرتے ہیں شکایت
مورت ہو کبھی ذہن میں تعمیر تمہاری
اوروں کا بھی ہونے نہیں دیتی کبھی مجھ کو
پاؤں سے یہ لپٹی ہوئی زنجیر تمہاری
رستہ ترا تکنا بھی گوارا نہیں مجھ کو
دشمن بھی نہیں عادت تاخیر تمہاری
سب کچھ ہے تمہارا یہاں کچھ بھی نہیں میرا
یہ خواب تمہارا ہے یہ تعبیر تمہاری
چپ چاپ ترا خط میں لئے دور یوں نکلا
بارش جو ہوئی مٹ گئی تحریر تمہاری